Sistemə giriş səhifəsi

Sistemə daxil olmaq İstifadəçi kodu, parol, şifrəni daxil edib, müvafiq “Bölmə”ni seçərək “Daxil ol” düyməsini basmaq lazımdır.

Yeni istifadəçi kodunu vergi orqanına gedib müqavilə bağlayaraq əldə etmək olar.

Bu zaman istifadəçiyə bağlı zərfdə İstifadəçı kodu, Şifrə və Parol verilir.

İstifadəçi kodu ilə sistemə daxil olmaq yalnız vergi ödəyiciləri üçün nəzərdə tutulur.

Qeyd: Bu metodla sistemə daxil olmaq təhlükəsizlik tələblərinə və müasir beynəlxalq standartlara cavab vermədiyindən yaxın zamanlarda ondan imtina edilməsi nəzərdə tutulur.

Əvvəlcə kart oxuyucu qurğu (“card reader”) kompüterə qoşulur və müvafiq “Bölmə” seçilir.

Sonra aşağıdakı giriş vasitələrindən biri təyin edilir:

VN ASXM Rəqəmsal İD kartı (Vergilər Nazirliyinin ASXM-i tərəfindən verilir. Kartın istifadə qaydaları haqqında ətraflı məlumatı http://www.asxm.gov.az saytından əldə etmək olar)
RİTN “e-İmza” kartı ( Rabitə və İnformasiya Texnologiyaları Nazirliyinin Məlumat Hesablama Mərkəzinin SXM-i tərəfindən verilir. Ətraflı məlümat üçün http://www.e-imza.az saytına müraciət etmək olar)

Sonda “Daxil ol” düyməsi basılır.

İstifadə olunan əsas anlayışlar:

SXM - Sertifikat Xidmətləri Mərkəzi;
ASAN Xidmət Mərkəzi - Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Xidmət Mərkəzi;
ASXM - Vergilər Nazirliyinin “Asan” SXM-i. İstifadəçilərə elektron xidmətlərdən istifadə etmək üçün, ASXM-in nümayəndələri ASAN Xidmət Mərkəzində və ya Vergi Ödəyicilərinə Xidmət Mərkəzlərində təkmil sertifikatların verilməsini təşkil edirlər;
Asan İmza (Mobil İmza) SİM kartı - Mobil operatorlar tərəfindən verilən xüsusi SİM kartdır. Elektron İmza yaratma məlumatların fiziki daşıyıcısıdır;
Asan İmza (Mobil İmza) xidməti - elektron xidmətləri həyata keçirən istifadəçinin mobil telefon vasitəsilə autentifikasiyasını, sənədin elektron imzalanmasını və imzalayan şəxsin şəxsiyyətinin müəyyən edilməsini (identifikasiyasını) təmin edən xidmətdir;
Autentifikasiya - İstifadəçinin doğrulanaraq sistemə daxil olmasi (login);
VN ASXM Rəqəmsal İD kartı - Vergilər Nazirliyinin ASXM-i tərəfindən verilən rəqəmsal identifikasiya kartıdır. Sistemə autentifikasiya olunmaq və imzalanma əməliyyatı zamanı istifadə olunur. Bunun üçün Kart oxuyucu qurğu (“card reader”) tələb olunur;
AsanDoc - Vergilər Nazirliyinin ASXM-i tərəfindən verilən və MS Word, MS Exel, Adobe Acrobat və s. tipli sənəd fayllarının imzalanmasını həyata keçirən proqramlar qrupudur. Həmin qrupa,
- fərdi kompüterlər üçün - AsanDoc Client (Windows, Unix, MacOS variantlar),
- mobil qurğular və planşetlər üçün – AsanDoc (iOS, Android variantlar),
RİTN “e-İmza” kartı - Rabitə və İnformasiya Texnologiyaları Nazirliyinin Məlumat Hesablama Mərkəzinin(MHM) SXM-i tərəfindən verilən kartdır. Sistemə autentifikasiya olunmaq və “e-İmzalayıcı” proqram vasitəsilə sənəd fayllarının imzalanması üçün istifadə olunur. Bunun üçün Kart oxuyucu qurğu tələb olunur;
RİTN “e-İmzalayıcı” proqram - RİTN MHM tərəfindən hazırlanmış və sənəd fayllarının imzalanması üçündür;
İstifadəçi - Sistemdən istifadə edənlər 2 kateqoriyaya bölünürlər:
- vətəndaşlar;
- vergi ödəyiciləri (fiziki, hüquqi şəxslər), dövlət hakimiyyətinin, yerli özünüidarəetmə orqanlarının və digər qurumlarının əməkdaşları;
İstifadəçi İD-si – Bu, 6 rəqəmli spamdan müdafiə olunmaq üçün istifadə olunan təhlükəsizlik kodudur. Bu kodu Asan İmza sertifikatını almaq üçün müraciət edən şəxs öz ərizəsində göstərir. Əgər istifadəçi həmin kodu unudarsa, "İstifadəçi İD-mi unutmuşam" linkini tiklayır. Bu zaman onun telefonuna SMS vasitəsilə İstifadəçi İD-si göndərilir (gün ərzində bir dəfədən çox olmamaq şərtilə). Kod “qeyri-məxfi” statusa malikdir;
FİN – Şəxsiyyət vəsiqəsinin Fərdi İdentifikasiya Nömrəsidir (əvvəllər PİN adlanırdı);

Asan İmza (Mobil İmza) - e-xidmətləri həyata keçirən istifadəçinin mobil telefon vasitəsilə autentifikasiyasını, sənədin elektron imzalanmasını və imzalayan şəxsin şəxsiyyətinin müəyyən edilməsini (identifikasiyasını) təmin edən xidmətdir.

Xidmət, Vergilər Nazirliyinin Asan Sertifikat Xidmətləri Mərkəzi (ASXM) və mobil operatorlar tərəfindən təşkil edilir və müvafiq təkmil sertifikatı ilə rəsmləşdirilir.

Asan İmza (Mobil İmza), e-xidmətlərdən istifadə zamanı təhlükəsizlik tələblərini yerinə yetirən və müasir standartlara cavab verən xidmət sahəsidir.

Azərbaycan Respublikasının qanunvericiliyinə əsasən sertifikatlaşdırılmış imza vasitələri ilə yaradılmış və qüvvədə olan təkmil sertifikatlı gücləndirilmiş imza, əl imzası ilə bərabər hüquqi qüvvəyə malikdir.

Sistemə daxil olmaq üçün Asan İmza (Mobil İmza) SİM kartının nömrəsini “Mobil” sahəsinə, “İstifadəçi İD” nömrəsini eyni adlı sahəyə daxil edib müvafiq “Bölmə”-ni seçərək Daxil ol düyməsini basmaq lazımdır. Bu barədə daha ətraflı məlumatı Yardım bölməsindən əldə etmək olar.